Qax Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində narkotik vasitələrin satışı, saxlanılması və daşınmasında şübhəli bilinən 5 nəfər tutulub.
DİN-in Mətbuat Xidmətinin Şəki regional qrupundan Elchi.az-a verilən məlumata görə, əvvəlcə daxil olmuş əməliyyat məlumatları əsasında keçirilən tədbirlər zamanı narkotiklərin qanunsuz dövriyyəsi ilə məşğul olan 4 nəfər Balakən və Zaqatala rayon sakini – Elşad Atakişiyev, Tural Məmmədov, Nadir Cumaliyev və Elnur Tağıyev saxlanılıb.
Şəxsi axtarış zamanı onlardan heroin aşkar edilərək maddi sübut kimi götürülüb.
Davam etdirilən istintaq-əməliyyat tədbirləri ilə həmin şəxslərin narkotik vasitəni Qax rayon sakini Vüqar Osmanovdan aldıqları müəyyən edilib.
Əvvəllər Cinayət Məcəlləsinin müxtəlif maddələri ilə 4 dəfə məhkum olunmuş Vüqar Osmanov da şübhəli şəxs qismində saxlanılıb.
Onun yaşadığı ünvana baxış keçirilən zaman oradan külli miqdarda heroin, metamfetamin, narkotik vasitələrin satışında istifadə etdiyi elektron tərəzi, eləcə də digər maddi sübutlar aşkarlanaraq götürülüb.
Faktlarla bağlı rayon polis şöbəsində cinayət işi başlanılıb, zəruri istintaq və əməliyyat tədbirləri davam etdirilir.
Qazaxda avtomobil yanıb
Qazax şəhərində avtomobildə yanğın baş verib. Bu barədə Elchi.az-a Fövqəladə Hallar Nazirliyindən məlumat verilib. Qeyd edilib ki, Fövqəladə Hallar Nazirliyinin...
Son şərhlər