“Azərbaycan dövlətinin Qarabağ ermənilərinə rəsmi şəkildə təhlükəsizlik qarantiyası verməsinin sülh müqaviləsinin şərtlərinə daxil edilməsinə razı olmasında problem olmadığı qənaətindəyəm. Bu, tərəflər arasında etimad mühitini artıra və erməni tərəfinin əlindən sülh müqaviləsindən qaçmaq üçün bəhanələrdən birini və əhəmiyyətlisini ala bilər”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov söyləyib.
Politoloq qeyd edib ki, Ermənistan tərəfi onsuz da Qarabağı Azərbaycan ərazisi kimi tanımağa məcbur edilib:
“Bu, özünü Ermənistan sərhəddinə Xankəndidən Laçından çəkilən yolla da öz əksini tapıb ki, əslində, Qarabağ erməniləri də dolayı yolla bunu qəbul edib. Məsələ ondadır ki, Azərbaycanın çəkdiyi yeni yoldan istifadə edən ermənilər Qarabağın Azərbaycan ərazisi olduğu gerçəyini qəbul ediblər, çünki əgər yolu Azərbaycan çəkirsə və bu yoldan ermənilər heç bir söz demədən istifadə edirlərsə, deməli, bu ərazi Azərbaycana məxsusdur. Əks halda, əvvəla bu yolu niyə Azərbaycan çəkməli idi və ya erməni tərəfi bunu sakitliklə qarşılamalı idi? Məntiqlə onda bu yolu Ermənistan çəkməli idi. Bir halda ki, yolu Azərbaycan öz ərazisindən özü çəkir, deməli, yol da, ərazi də Azərbaycana məxsusdur. Ondan istifadə hüququ da Azərbaycan vətəndaşlarına aiddir. Qarabağda yaşayan ermənilərdən kim özünü başqa ölkənin vətəndaşı hesab edirsə, onlar bu hüquqdan məhrum olmalıdır və Azərbaycan dövlətinin razılığı olmadan bu yoldan istifadə edə bilməzlər.
Azərbaycan dövləti bu yolu çəkməklə göstərmək istəyir ki, üzərində kimin yaşamasından asılı olmayaraq, onun vətəndaşlığını qəbul edəcək hər kəs üçün Azərbaycan dövlətinin onlara münasibəti eynidir və dövlətin imkanları onlar üçün də labüddür. Azərbaycan dövləti ərazisinin harası olmasından asılı olmayaraq vətəndaşlarının rahatlığını təmin etmək gücündədir.
Qarabağ erməniləri əgər bu faktı qəbul etmirlərsə, onda özlərinə başqa dövlət və yol tapsınlar”.
Yeganə
Son şərhlər