Liviyanın mərhum lideri Müəmmər Qəddafinin yeddi ildən artıqdır ki, Livanda saxlanılan oğlu Hannibal Qəddafi mühakimə olunmadan saxlanmasına etiraz olaraq şənbə günü aclıq aksiyasına başlayıb.
Elchi.az News.am-a istinadən bildirir ki, bu barədə “Associated Press”-ə onun vəkili bildirib.
Hannibal Qəddafi 2015-ci ildən siyasi qaçqın kimi yaşadığı qonşu Suriyadan qaçırıldıqdan sonra Livanda saxlanılır. O, 45 il əvvəl Livanda itkin düşən şiə ruhani Musa əs-Sədrin taleyi ilə bağlı məlumat tələb edən livanlı yaraqlılar tərəfindən qaçırılıb.
Qəddafi daha sonra Livan hakimiyyəti tərəfindən həbs edilib və məhkəməsiz Beyrut həbsxanasında saxlanılır.
Vəkil Paul Romanos agentliyə bildirib ki, müvəkkili ciddidir və sona qədər gedəcək.
Romanos bildirib ki, Qəddafinin bel ağrıları var, çünki o, uzun illər hərəkət etmək və idman etmək imkanı olmayan dar kamerada saxlanılıb.
Maraqlıdır ki, Hannibal Qəddafi şiə ruhanisinin yoxa çıxmasından iki il əvvəl doğulub.
Yeganə
Son şərhlər