Qərbi Afrikada Ebola virusundan ölənlərin sayı 2105-ə çatıb
Qərbi Afrikada Ebola virusuna yoluxanların sayı 3967 nəfərə çatıb, 2105 nəfər vəfat edib.
APA-nın İTAR-TASS agentliyinə istinadən məlumatına görə, bu barədə Ümumdünya Səhiyyə Təşkilatı (ÜST) məlumat yayıb.
Ən çox ölüm halları Liberiyada qeydə alınıb - 1089 nəfər. Qonşu Sierra-Leonedə-də vəziyyət gərgin olaraq qalır. Burada hər həftə 150 nəfər ölümcül virusa yoluxur.
ÜST-ün “yol xəritəsinə” uyğun olaraq, virusun yayılmasının qarşısını almaq üçün 6-9 ay lazım olacaq. Bu müddət ərzində daha 20 min insan xəstələnə bilər. BMT-nin hesablamalarına görə, dünya miqyasında virusa son qoymaq üçün 600 milyon dollar tələb olunur. 
