Vladimir Putinin Rusiya prezidenti kimi fəaliyyəti Rusiya vətəndaşlarının 82 faizi tərəfindən bəyənilib ki, bu da əvvəlki həftədən 1 faiz bəndi çoxdur.
Elchi.az xəbər verir ki, Putinin yenilənmiş reytinqi İctimai Rəy Fondunun (FOM) saytında dərc olunub.
Respondentlərin 8 faizi prezidentin fəaliyyəti ilə bağlı mənfi fikir bildirib, 11 faizi isə qərarsız qalıb. Putinə güvənən rusların payı da dəyişərək 81 faizə yüksəlib. Vətəndaşların 10 faizi əks fikirdə olub, digər 9 faizi isə əmin deyil.
FOM-un məlumatına görə, sorğu sentyabrın 19-dan 21-dək Rusiyanın 51 regionunda 97 icmada aparılıb. Burada yaşı 18-dən yuxarı olan 1500 nəfər iştirak edib. Əldə edilmiş məlumatların səhv nisbəti 3,6 faizi keçmir.
Avqust ayında Kremlin sözçüsü Dmitri Peskov jurnalistlərə demişdi ki, prezidentin işi tam məzuniyyətə çıxmağa imkan vermir. Onun sözlərinə görə, prezident demək olar ki, heç vaxt uzun zaman dincəlmir.
Yeganə
