“Reuters”in jurnalisti danışıb ki, Putinin böyük qızı hollandiyalıya ərə gedib
Ölkə.Az xəbər verir ki, Katerina Tixonova haqqında jurnalist araşdırmasının müəllifi Stiven Qrey “BBC”yə müsahibəsində Rusiya prezidenti Vladimir Putinin qızları ilə maraqlanmasının səbəbini açıqlayıb.
Onun müşahidələrinə əsasən, Rusiya prezidenti uşaqları ilə bağlı hesabat verməyi doğru saymır. Qrey izah edib ki, onun bu mövzuya baş vurmasına səbəb Putinin gedişindən sonra hakimiyyətdəki vəziyyət və ümumiyyətlə Rusiyanın siyasi sistemində irsilik prinsipinin hansı formada olduğunu öyrənməkdir.
“Putinin qızları gizli saxlanılır və onların həyatı ilə bağlı məlumatlar da gizlidir. Buna görə də axtarmağa məcbur olduq. Putinin böyük qızı MDU-da tədqiqatlarla məşğuldur və Hollandiya vətəndaşı ilə nikahdadır. Onun adı Mariya Faassendir”, – deyə jurnalist bildirib.
Qeyd edək ki, Putin 1983-cü ilin iyulunda Lyudmila Aleksandrovna ilə evlənib. İki qızları var: Mariya (1985-ci ildə Leninqradda) və Каterina (1986-cı ildə Drezdendə anadan olublar.) Мariya Sankt-Peterburq Dövlət Universitetində bioloji-təbiət, Каterina şərq fakültəsində təhsil alıblar (2003-cı ildə qəbul olunublar). V.Putinin qızları haqqında məlumar mətbuatda az verilir.
2013-cü ilin iyunun 6-da Putin Lyudmila ilə boşanması haqqında açıq elan etdilər.
Son şərhlər