Rusiya Sakit okean Donanmasının komandanı, admiral Sergey Avakyants vəzifəsindən azad edilib. O, bundan sonra idman hazırlığı və vətənpərvərlik tərbiyəsi mərkəzlərinin işini əlaqələndirəcək.
Elchi.az xəbər verir ki, bunu Rusiya Prezidentinin Uzaq Şərq üzrə xüsusi nümayəndəsi Yuri Trutnev deyib.
“Biz regional mərkəzlərin fəaliyyətini metodiki təmin edəcək və onların hərbi idman hazırlığı üzrə işini əlaqələndirəcək mərkəzi struktur yaratmışıq. Bu mərkəzi struktura admiral Sergey Avakyants rəhbərlik edəcək”, – Trutnev bildirib.
Qeyd edək ki, əslən erməni olan Sergey Avakyants 2012-ci ildən Rusiyanın Sakit okean Donanmasına rəhbərlik edirdi.
Son şərhlər