Bu sözləri Ukrayna prezidenti telekanallara müsahibəsində deyib
“Ukrayna Krımdan imtina etməyəcək, amma Rusiyadan müsadirə edilmiş müəssisələr üçün kompensasiya tələb edəcək”.
ANS PRESS-in məlumatına görə, bu sözləri Ukrayna prezidenti Pyotr Poroşenko telekanallara müsahibəsində deyib. O bildirib ki, Krım məsələsi iki hissədən ibarətdir:
“Birinci, Krım satılmır. Krım üçün məsuliyyət pulla ölçmək olmaz. Mümkün deyil ki, Ukrayna hansısa bir pulu alıb Krımdan imtina etsin. Ukrayna ərazisi satılmır”, – deyə prezident bildirib.
Poroşenkonun sözlərinə görə, Rusiya Krıma vurduğu zərəri ödəməlidir. Onun sözlərinə görə, bir çox şirkətə maddi ziyan dəyib, bəzi təsərrüfat və hərbi avadanlıqlar müsadirə edilib.
Poroşenko Ədliyyə Nazirliyinin peşəkar hüquqşünaslarla birgə iddia hazırlayacağını bildirib: “Ukrayna özünün milli maraqlarını qorumaq üçün əlində olan bütün vasitələrdən istifadə edəcək”.
Son şərhlər