Polşa rəsmiləri sübutları gizlədib və “Şimal axını” və “Şimal axını 2” qaz kəmərlərində təxribatla bağlı təhqiqata mane olmağa çalışıblar. Elchi.az xəbər verir ki, bu barədə “The Wall Street Journal” məlumat yayıb.
Nəşrin qeyd etdiyi kimi, Polşanın müvafiq nazirlikləri və idarələri beynəlxalq təhqiqatla əməkdaşlıqdan yayınır, həmçinin qaz kəməri partlayışlarının araşdırılması üçün potensial kritik sübut təqdim etməkdən imtina edirlər.
Məqalə müəllifi qeyd edir ki, Polşa rəhbərliyi tələb olunan məlumatları təqdim etməkdə çox ləngdir, həmçinin təxribatda iştirakda şübhəli bilinənlərin ölkə daxilində hərəkəti barədə məlumat verməkdən imtina edir.
Aydınlaşdırılır ki, bu faktlar “Şimal axını” partlayışları ilə bağlı respublikanın rolu və motivləri ilə bağlı şübhələrin artmasına səbəb olur.
Havar Şəfiyeva