Polşa hakimiyyəti Almaniya və Litva ilə sərhədlərdə sərhəd nəzarətini daha altmış gün, oktyabrın 4-dək uzadıb.
Elchi.az bu barədə “Deutsche Welle”yə istinadən xəbər verir.
“Müvafiq sərəncam cümə günü verilib, o, həmçinin bildiriş üçün Avropa Komissiyasına göndərilib. Almaniya və Litva ilə sərhədlərdə sərhəd nəzarəti oktyabrın 4-dək daha 60 gün uzadılıb”, – Polşanın daxili işlər naziri Marçin Kervinski sərhəd nəzarəti üzrə idarələrarası iclasda bildirib.
Polşa-Litva sərhədi kontekstində Polşa Daxili İşlər Nazirliyinin rəhbəri də qeyri-qanuni miqrasiya üçün şərq yolunun bağlandığını elan edib.
“Bizim maneənin 98 faiz möhkəmliyi Belarus xidmətlərini, Rusiya xidmətlərini və qeyri-qanuni miqrasiyanı başqa ərazilərə köçməyə məcbur edir.
Kervinski əlavə edib ki, hər iki ölkə ilə sərhədlərdə gələcək tədbirlərlə bağlı qərar sentyabrda Polşa hakimiyyəti tərəfindən veriləcək və bu, həmin vaxt sərhədçi, polis və Polşa ordusunun verdiyi məlumatlardan asılı olacaq.
Polşa-Almaniya sərhədində təsadüfi yoxlamalar iyulun 7-də gecə yarısı 52 keçid məntəqəsində başlayıb. Oxşar tədbirlər Litva ilə sərhəddə də həyata keçirilib. O zaman Polşa hakimiyyəti yoxlamaları avqustun 5-də başa çatdırmağı planlaşdırırdı.
Sərhədi keçənlərin pasportları və şəxsiyyət vəsiqəsi yoxlanılır. Polşa sərhədçiləri çoxlu sayda sərnişini olan avtobus, mikroavtobus və minik avtomobillərinə, şüşələri qaralmış avtomobillərə xüsusi diqqət yetirirlər.
Yeganə
