Ermənistanın dövlət idarəetmə sistemi yaranmış fövqəladə vəziyyətə qətiyyən uyğun gəlmir. Müttəfiqlərin və dost qonşuların etimadı sarsıldı. Nəticədə Ermənistan bəzi Qərb dövlətlərinin siyasi bəyanatlarına arxalanmaq məcburiyyətində qalır, praktikada isə təcrid olunmuş vəziyyətdə qalır.
Elchi.az xəbər verir ki, bu barədə Ermənistanın keçmiş baş naziri Xosrov Arutyunyan deyib.
“İroniya odur ki, dövlətimiz üçün həyati əhəmiyyət kəsb edən məsələlər çox vaxt bizim iştirakımız olmadan üçüncü dövlətlər tərəfindən müzakirə və həll edilir. Üstəlik, Ermənistan hakimiyyəti beynəlxalq platformalarda öhdəlik götürərsə, qonşularımız üçün hər hansı ermənipərəst hərəkət və ya təşəbbüs hərbi əməliyyatların bərpası üçün qanuni səbəb kimi qəbul edilə bilər.
Etiraf etmək məcburiyyətindəyik ki, bölünmüş cəmiyyət, məhdud iqtisadi, hərbi resurslar və etibarlı beynəlxalq tərəfdaşların olmaması fonunda qəbuledilməz sülh və dağıdıcı müharibə arasında seçim qarşısındayıq.
İndiki vəziyyətdə hərbi əməliyyatların bərpası üçün əsas təhlükənin İrəvan hakimiyyətinin siyasəti olduğu göz qabağındadır”, – o bildirib.
Son şərhlər