Parlamentdə Müstəqillik günü çağırışları – reportaj

Spiker Oqtay Əsədovun sədrliyi ilə Milli Məclisin növbəti plenar iclası keçirilir. Cari məsələlərin müzakirəsində parlamentarlar çıxışlarında daha çox qarşıdan gələn Müstəqillik gününə diqqət çəkib müvafiq addımların atılmasına çağırış etdi. Ancaq digər təkliflər də səsləndirildi.

Deputat  Asəf Hacıyev dövlət xətti ilə xaricə ezamiyyətə gedən vətəndaşların lədiyi yerlərdə daşınan əmlaka malik olduqlarını, lakin onların bu əmlakı gətirən zaman gömrük rüsumu ödədiklərini xatırladıb, onlara güzəşt edilməsini təklif etdi. Azərbaycan Aqrar Universitetinin tələbələrinin sayının ildən-ilə azaldığını deyən A.Hacıyev kənd təsərrüfatına yardım üçün bu universitetə kvota ayrılmasını istədi.

Deputat Bakıda keçirilən humanitar foruma gələn qonaqlardan birinin əşyalarının hava limanında, özü də VİP-də monitordan keçirilməsindən təəccübləndiyini dedi: “Dünyanin heç bir ölkəsində belə şey yoxdur”. (Xatırladaq ki, “Yeni Müsavat” bununla bağlı silsilə material dərc etmişdi-E.P.)

Zahid Oruc Türkiyənin İŞİD-lə mübarizədə təkbaşına hərəkətə keçməsinə qarşı olduğunu bildirdi:  “Qərb dairlələrini ilk növbədə əməliyyatlara başlamağa, daha sonra isə bunu Türkiyədən tələb etməyə çağırırıq.

Bu gün Eboladan bir neçə min adam ölübsə, 2010-cu ildən bəri həmin məkanda 300 mindən çox adam ölüb. Biz Türkiyənin soyuqqanlı davranışını müdafiə edirik. Hər hansı beynəlxalq müdaxilə olmadan ora Türkiyənin qoşun yeridilməsi bataqlığa düşməkdir”.

Fərəc Quliyev dövlət müsdtəqilliyi günü ilə bağlı spikeri və deputatları təbrik etdi. Həmçinin 18 oktyabrın qeyri-iş günü kimi qəbul olunmasına çağırdı: “Bu zalda SSRİ-nin saxlanmasının əleyhinə  mərhum Heydər Əliyev də daxil olmaqla 43 deputat olub. Onların  bəzilərinin ailə vəziyyəti, səhhəti ağırdır”. Bu mənada F.Quliyev spikerdən xahiş etdi ki, parlament  onun keçmiş kolleqaları haqqında da düşünsün: “Onların təqaüdləri ilə bağlı qərar qəbul olunması yerundə olardı”.

Siyavuş Novruzov isə dedi ki, ilk dəfə Azərbaycanın üçrəngli bayrağı məhz Naxçıvanda qaldırılmışdı, SSR sözü ilk dfəə Heydər Əliyevin rəhbərlik etdiyi Naxçıvan MR-də götürülmüşdü. Deputat Naxçıvana qəhrəman şəhər statusunu verməyə çağırdı: “Leninqradın müharibədə 3-4 il blokada şəraitində olmasına görə ora Qəhrəman şəhər statusu verildi. Naxçıvan 24 ildir blokada şəraitində yaşayır. Naxçıvanın 90 illiyi olduğuna , həm də müstəqilik bayramına görə parlament rəhbərliyi ilə məsləhətləşib hər hansı qərar verməliyik. Bu, Naxçıvanın düşmən qarçşıdımnda qalmasına kömək edər”.

Fazil Mustafa da müstəqilik təbriki ilə bağşladı. Həmçinin Avropa Parlamentində Dağlıq Qarabağ ermənilərin dostları qrupunun yaradılması barədə addım atıldığını xatırlatdı: “Təklif edirəm ki, Azərbaycan parlamenti qurumu bu addmdan çəkinməyə çağırsın, kim ki, qərara dəstək olacaqsa, onların Azərbaycana gəlişi qadağan olunacaq”. F.Mustafa dedi ki, Ermənistanın Dağlıq Qarabağsız Avrasiya İttifaqına daxil olması məsələsi Azərbaycan prezidentinin düzgün siyasətini bir daha ortaya qoydu.

Musa Qasımov ermənilərin qondarma “soyqırım”la bağlı hazırlaşdığı məqamda Azərbaycanın da öz həqiqətlərini, xüsusilə də Xocalı soyqırımı ilə bağlı həqiqətləri dünyaya yaymaq üçün hərəkətə keçməyə çağırdı.

Vahid Əhmədov Müstəqillik günü ilə bağlı xalqı təbrik etdi: “Əgər 1918-ci ildə Azərbaycan cəmi 23 ay müstəqil ola bildisə, bu gün artıq Azərbaycan 23 ildir müstəqilliyini qoruyub-saxlayır və Azərbaycan inkişaf edir. İlham Əlieyv bütün çıxışlarında Heydər Əliyev kimi Azəerbyacanın müstəqilliyini önə çıxarır. Konstitusiya Aktını kimin imzalamasından asılı olmayaarq Azərbaycanın şanlı tarixidir. Mən də vaxtilə bu zalda müstəqilliyə səs verən insanlardan biri olduğum üçün 18 oktyabrın qeyri-iş günü elan olunması və silsilə tədbirlərinin keçirilməsinin tərəfdarıyam. Həmçinin xahiş edirəm müstəqillyə səs veəern, bu gün vəziyyəti ağır olan bizim keçmiş həmkarlarımıza, onların ailələrinə diqqət göstərilsin”.

Qənirə Paşayeva da Azərbaycanınərazi bütövlüyünü pozan şəxslərinqarşısını almaq üçün işğöal olunmuş ərazilərlə bağlı qanun layuihəsini müzakirəyə çıxarmağı təklif etdi: “Orda birmənal qeyd olunsun ki, Azərbahfanın ərazi bütövlüyün pozan şəxslərə Azərbayacvnın qapıları bağlı olacaq və onlar ölkəmizə daxil ola bilməyəcək. Gürcüstan da belə bir qanun qəbul edib”. Q.Paşayeva 1 və 2-ci qrup əlilliyi olan tələbələrin təhsil haqqı ilə bağlı güzəşt edilməsini də təklif etdi.

Sahib Alıyev ayın sonlarında prezidentlərin görüşünün keçiriləcəyini xatırladaraq qeyd etdi ki, Avropa Parlamentdə separatçı rejimlə dostluq qrupunun yaradılması ikili standartların nəticəsidir.

Fəzail Ağamalı bayram təbriklərinə qoşulmaqla yanaşı S.Novruzovun təklifini müdafiə etdi. Eyni zamanda professor Yaqub Mahmudovun İrəvanın Batum müqaviləsi əsasında Ermənistana verilməsi və Ermənistanın müqavilənin şərtlərini pozduğu üçün sazişin qüvvədən salınması barədə təşəbbüsünü xatırladıb bu məsələyə ciddi diqqət yetirməyə çağırdı: “Mən eyni zamanda bura bolşeviklərin xüsusi dekreti ilə Göyçə və Zəngəzurun Ermənistana verilməsi məsələsini də əlavə etmək istəyriəm. Bu isə Topçubaşovun böyük səyləri ilə Azərbaycanın 114 min kv.km-lik ərzisinə daxil olan Göyçə və Zəngəzuru Azərbaycandan qopardılar. Təklif edirənm ki, XİN-də xüsusi bir qrup yaradılsın və qaldırlıan bu məslənin həllində konkret addımlarını həyata keçirtsin”.

Oqtay Əsədov deputatların Avropa Parlamentindəki erməni qrupu ilə bağlı narahatlığını bölüşdüyün bildirdi:  “Azərbaycan bütün beynəlxalq təşkilatalrın qəbul etdiyi qərarlara münasibət bildirib. Ancaq Avropa Parlamentinin qərarı barədə bir Avropa saytında xəbər yoxdur, yalnız erməni saytları məlumat yayıb, ona görə də tələsik mövqeyə ehtiyac yoxdur. Bir şeyi bilməliyik ki, dünyada ədalət prinsipi itib. Ancaq Rövşən müəllim, Qarabağ icması daha da aktiv olmalıdır”.

Səməd Seyidov Avropa Şurasının iclası, Avropa qurumlarının Azərbaycana münasibəti və həmkarı Asim Mollazadə ilə birgə ABŞ-ın Koliforniya ştatına səfəri barədə danışdı: “Ermənilərin Koliforniya ştatında qəbul etdirdikləri qərar bir daha sübut etdi ki, bir an da rahatlaşmaq olmaz. Amerikadakı rəsmi dairələr, Koliforniya ştatının rəhbərliyi, yəhudi lobbisi bizi əmin etdi ki, bu sənədin heç bir hüquqi əhəmiyyəti yoxdur”.