“ABŞ hazırda Ukraynadan yalnız prezident seçkilərinin keçirilməsini tələb edir; parlament və ya yerli seçkilərdə israrlı deyil”.
Elchi.az xəbər verir ki, bu barədə Volodimir Zelenski jurnalistlərin suallarını cavablandırarkən bildirib.
“ABŞ yalnız prezident seçkiləri ilə bağlı sual verdi və mən onlara bu seçkilərə hazır olduğumu söylədim. Biz Rada və ya yerli seçkiləri nəzərə almadıq”,-deyə Zelenski bildirib.
Zelenski əlavə edib ki, hərbi vəziyyət dövründə seçkilərin keçirilməsi ilə bağlı qanun layihəsinin hazırlanmasında hələlik heç bir irəliləyiş yoxdur. O, məsələ ilə bağlı sualı cavablandırarkən qeyd edib:
“Mən bildiyimə görə, hələ ki, heç bir irəliləyiş yoxdur, lakin bütün siqnalları onlara çatdırmışam”.
Zelenski həmçinin seçicilərin, o cümlədən xaricdən olanların onlayn səsverməsinə icazə verilməsinin lehinə danışıb, lakin Ali Radadakı müxalifətin buna qarşı olduğunu etiraf edib:
“Koronavirus pandemiyasının başlanğıcından bəri insanların onlayn səsverməsinə icazə vermək üçün qanunun dəyişdirilməsi məsələsini həmişə qaldırmışam və dəstəkləmişəm. Biz hələ parlamentarilərlə konsensus əldə etməmişik”.
Yeganə
