Parisdə naməlum şəxslər zərgərlik mağazasının kuryerindən təxminən 150.000 avro dəyərində sapfir oğurlayıblar.
Elchi.az xəbər verir ki, bu barədə “Le Figaro” qəzeti məlumat yayıb.
Hadisə dekabrın 22-də Fransa paytaxtının rayonlarından birində baş verib. Kuryer maşınını park edib və qəfil hücuma məruz qalıb. Yaxınlıqdakı mikroavtobusun arxasında gizlənən hücumçu kişiyə tərəf qaçaraq onun başına zərbə endirib.
Bundan sonra o, kuryerin əlindən içərisində təxminən 160 min avro dəyərində sapfir və qızıl zinət əşyaları olan zərgərlik bağlamalarını götürərək skuterə minərək qaçıb.
Zərərçəkən xəstəxanaya aparılıb, vəziyyəti müəyyən edilir. İstintaq qanqster əleyhinə briqadaya təhvil verilib. Nəşrin məlumatına görə, hazırda nə hücum edən şəxs, nə də oğurlanmış qiymətli əşyalar tapılmayıb.
Məryəm
