Şiddətli musson yağışlarının təsirinə məruz qalan Pakistanda son bir ayda yağışların yaratdığı fəlakətlər və qəzalar nəticəsində həyatını itirənlərin sayı 113-ə yüksəlib.
İyunun 25-dən bəri musson yağışları ilə mövsüm normalarından çox mübarizə aparan Pakistanda 25 iyundan bu yana həyatını itirənlərin sayı 113-ə yüksəlib.
Elchi.az bu barədə Geo News-a istinadən xəbər verir.
Hayber Paxtunxvanın Mansehra və Çitral bölgələrində yağan yağışlar həyata mənfi təsir edib. Yağışların səbəb olduğu fəlakət və qəzalarda Hayber Paxtunxva bölgəsi olan Mansehrada 5 nəfər həyatını itirib.
Yağışlar nəticəsində Çitral və Sandur birləşdirici yolunun yarım kilometri zədələnib. Aşağı Çitral ilə Yuxarı Çitral arasındakı əlaqə yolun olmaması səbəbindən kəsilib. Ştatda çoxlu evlər dağılıb, avtomobillər su altında qalıb və əkin sahələrinə ziyan dəyib.
Pəncab əyalətinin paytaxtı Lahorda iki uşaq daşqınlarda boğularaq, Mandi Bahauddində isə iki qadın evlərinin damının uçması nəticəsində həyatını itirib. Ştatın Pakpattan bölgəsində 1-i uşaq olmaqla 3 nəfəri elektrik cərəyanı vurub.
Hər il iyun-sentyabr aylarında yağan musson yağışları Pakistanda böyük fəsadlara səbəb olur, son 48 saatda yağan güclü yağışlar nəticəsində daha 12 nəfər həyatını itirərək, 25 iyundan bu yana ölkədə ölənlərin sayı 113-ə çatıb.
Ötən il ölkədə musson yağışları nəticəsində baş verən daşqınlar nəticəsində 1739 nəfər həyatını itirib, fəlakətin ölkəyə vurduğu zərərin 30 milyard dollardan çox olduğu açıqlanıb.
Nuranə Məmmədova
Son şərhlər