Dövlət Sərhəd Xidməti tərəfindən 2025-ci ilin sentyabr ayı ərzində dövlət sərhədinin еtibarlı mühafizəsinin təmin edilməsi, qaçaqmalçılıq, qеyri-lеqal miqrasiya və narkоtik vasitələrin qanunsuz dövriyyəsinə qarşı mübarizə tədbirləri uğurla həyata keçirilib.
Dövlət Sərhəd Xidmətinin Mətbuat mərkəzindən Elchi.az-a verilən xəbərə görə, ay ərzində dövlət sərhədini pоzduqlarına görə 26 nəfər saxlanılıb. Onların 4-ü Azərbaycan, 8-i İran, 3-ü Əlcəzair, 3-ü Əfqanıstan, 2-si Pakistan, 2-si İraq, 2-si Tacikistan, 1-i Rusiya, 1-i Mərakeş vətəndaşı olub.
Qanunsuz miqrasiya ilə mübarizə tədbirləri nəticəsində saxtalaşdırılmış tarix möhürü və pasportla, özgəsinə məxsus sənədlə dövlət sərhədini keçməyə cəhd göstərən 4 nəfər saxlanılmışdır;
sərhəd rеjim qaydalarını pоzduqlarına görə 578 nəfər saxlanılaraq barələrində müvafiq tədbirlər görülmüşdür.
Cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 334 nəfər saxlanılaraq aidiyyəti оrqanlara təhvil vеrilmiş, ölkədən çıxışı qadağan edilmiş 645 nəfərin ölkəni tərk etməsinin, girişi qadağan olan 59 nəfərin isə ölkəyə daxil olmasının qarşısı alınmışdır;
Narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 685 kiloqram 575 qram narkоtik vasitə, 5960 ədəd narkotik tərkibli güclü təsiredici vasitə hesab edilən həb aşkarlanaraq dövriyyədən çıxarılmışdır;
Qaçaqmalçılıq fəaliyyətinə qarşı mübarizə tədbirləri nəticəsində ümumi dəyəri 8 milyon 629 min 755 manat оlan qaçaqmal, о cümlədən dərman vasitələri, spirtli içki və tütün məmulatları aşkar olunaraq götürülmüşdür.
Dövlət sərhədlərinin təhlükəsizliyi istiqamətində sərhəd mühafizə, əməliyyat-axtarış və istintaq tədbirləri davam etdirilir.
Əəə, bu sərhəd qardaşlar hamısını tutublar, lap əla işdir. Sərhədi pozanları yaxalayırlar, yaxşı da edirlər. Elə bu srhdi də möhkəm qoyublar, kim quyunu qazırsa özü düşür. Çox yaxşı işlər görürlər.
Bu xəbər lap əladır, dövlət sərhədlərimizin nə qədər güvənli olduğunu göstərir. Sərhədçilərimizə təşəkkürlər, onların sayəsinə biz rahatıq. Qanunsuz miqrasiya və qaçaqmalçılığın qarşısının alınması çox vacibdir.