Macarıstanın Ukraynadakı səfirini “Böyük Macarıstan” xəritəsi ilə şərf geyinib ictimai tədbirə gələn Baş nazir Viktor Orbanın hərəkətinə görə Xarici İşlər Nazirliyinə çağırılıb.
Elchi.az xəbər verir ki, bu barədə Ukrayna XİN sözçüsü Oleq Nikolenko deyib.
“Macarıstanda revizionizm ideyalarının təbliği Ukrayna-Macarıstan münasibətlərinə kömək etmir. Macarıstan səfiri artıq Ukrayna XİN-ə dəvət olunub. O, Viktor Orbanın hərəkətinin qəbuledilməzliyi barədə məlumatlandırılacaq”, – Nikolenko bildirib.
Qeyd edək ki, Macarıstanın Baş naziri Viktor Orban Budapeştdə Macarıstan və Yunanıstan milli futbol komandaları arasında keçirilən yoldaşlıq oyununa gəlib. Onun taxdığı şərfdə tərkibində qonşu dövlətlərin – müasir Avstriya, Slovakiya, Rumıniya, Xorvatiya, Serbiya və Ukraynanın əraziləri olan “Böyük Macarıstan” xəritəsi (Birinci Dünya müharibəsinin sonuna qədər Macarıstan Krallığına məxsus olan, sonra Trianon sülh şərtlərinə əsasən itirdiyi) əks olunub.
Nepalda ölümcül daşqınlar: 5200-dən çox insan hələ də itkin düşmüş hesab olunur!
Nepal hökuməti, avqust ayında baş verən və azı 1455 nəfərin həyatına son qoyan dağıdıcı daşqınlardan sonra axtarış-xilasetmə əməliyyatlarının başa çatdığını...
Son şərhlər