Nüvə silahlarına qlobal xərclər 2022-ci ildə əvvəlki ilə nisbətən 3 faiz artaraq 82,9 milyard dollara çatıb.
Elchi.az xəbər verir ki, Nüvə Silahlarının Qadağasının İzlənməsi və Beynəlxalq Nüvə Silahları Təşəbbüsü (ICAN) 2022-ci il üçün nüvə silahı xərclərinə dair hesabatı,ICAN-ın Siyasət və Tədqiqat Koordinatoru Alicia Sanders-Zakre və Proqram Koordinatoru Susi Snyder tərəfindən Akkreditə olunmuş Mətbuat Məmurları Assosiasiyasının təşkil etdiyi mətbuat konfransında açıqlanıb. Hesabatda deyilir ki, 9 nüvə silahına malik ölkə öz arsenallarını modernləşdirməyə və genişləndirməyə davam etdiyi üçün nüvə silahına qlobal xərclər ardıcıl üçüncü ildir ki, artıb.
Müvafiq olaraq, keçən il nüvə silahına xərclənən məbləğ əvvəlki ilə nisbətən 3 faiz artaraq 82,9 milyard dollar təşkil edib. ABŞ nüvə silahının ən böyük sponsoru olaraq qalmasına baxmayaraq, keçən il bu sahəyə 43,7 milyard dollar xərcləyib.
Nüvə silahlarına ən çox xərclənən artım Hindistanda (21,8 faiz) qeydə alındığı halda, bu sahədə xərclərini 11 faiz artıran digər ölkə kimi Böyük Britaniya da qeydə alınıb.
“Kütləvi qırğın silahlarına xərclənən bu məbləğlər üzləşdiyimiz bir çox qlobal problemlərin həlli üçün daha yaxşı istifadə oluna bilər. Məsələn, 82,9 milyard dollarla siz dünyada təxminən 1,3 milyard insanı təmiz su ilə təmin edə bilərsiniz”,- Sanders-Zakre deyib. 2022-ci ildə nüvə dövlətlərinin bu sahədə xərclərini “boşuna xərclənmiş xərc” kimi xarakterizə edən Sanders-Zakre, bu məbləğlərin “qlobal təhlükəsizliyi yaxşılaşdırmaq üçün heç nə etmədiyini” və “daha da pis” olduğunu müdafiə edib.
Nuranə Məmmədova
Son şərhlər