Nuland Maskın Ukrayna münaqişəsini qızışdırmaqda ittihamlarına cavab verib

Nuland Maskın Ukrayna münaqişəsi ilə bağlı ittihamlarına hər şeyin Rusiyadan asılı olduğu sözləri ilə cavab verib.
Elchi.az xəbər verir ki, ABŞ dövlət katibinin müavini Viktoriya Nuland amerikalı iş adamı İlon Maskın Ukrayna münaqişəsini qızışdırmaqda ittihamlarına cavab verərək, bu nəşri görmədiyini, lakin Tesla və SpaceX-in yaradıcısına cavab verməyə hazır olduğunu bildirib.
Bundan əvvəl İlon Mask Viktoriya Nulandı Ukrayna münaqişəsini gərginləşdirməkdə ittiham etmişdi. Amerikalı iş adamı dövlət katibinin müavininin Krımın Ukrayna üçün qanuni hədəfə çevrilməsi ilə bağlı sözlərini şərh edərkən, “Bu münaqişəni Nulanddan çox heç kim alovlandırmır” deyə yazıb.
“Nəyə istinad etdiyinizə əmin deyiləm. Sadəcə bir daha deyərdim ki, bu münaqişənin sonu Rusiyadan asılıdır və bunu sabah etmək olar”, – dövlət katibinin müavini TASS-a müsahibəsində bildirib.

Şayəstə