Nigeriyada heyvanlardan insanlara keçən və ölümlə nəticələnə bilən Lassa qızdırması səbəbindən bu il həyatını itirənlərin sayı 200-ə yüksəlib.
Elchi.az xəbər verir ki, Nigeriya Xəstəliklərə Nəzarət Mərkəzinin (NCDC) verdiyi açıqlamada, ölkədə 1 yanvar – 3 dekabr tarixləri arasında Lassa qızdırması epidemiyasının 28 əyalətin 114 bölgəsində, eləcə də paytaxt Abucada yayılmağa davam etdiyi bildirilib.
Açıqlamada qeyd olunub ki, bu dövrdə 1170 Lassa qızdırması aşkar edilib, epidemiya nəticəsində həyatını itirənlərin sayı isə 200-ə yüksəlib.
Nigeriya hökuməti fevralın əvvəlində Lassa qızdırması epidemiyası səbəbindən “fövqəladə vəziyyət” elan edib.
2022-ci il yanvarın 1-dən noyabrın 20-dək ölkədə 989 yoluxma faktı aşkarlanıb, 178 nəfər ölüb.
Lassa qızdırması ilk dəfə Nigeriyada 1969-cu ildə ölkənin şimal-şərqindəki Borno əyalətində yaranıb.
Siçan nəcisi ilə təmasda olan xəstəlik insandan insana keçə bilər və ölümcül hemorragik qızdırmaya səbəb olur.
Nuranə Məmmədova
Son şərhlər