Nigerdə fransız əsgərlərinin ölkədən çıxmasını tələb edənlər səhərin ilk işığından paytaxt Niameydəki Fransa hərbi bazası ətrafında gözləyib.
Elchi.az xəbər verir ki, yerli mənbələrdən alınan məlumata görə, Fransanın Niameydəki səfiri Slyvain Itte-nin “Niamey 101” kimi tanınan Fransa hərbi bazasında “gizləndiyi” iddiası ilə nümayişçilər saat 05.30-dan etibarən baza ətrafında gözləyiblər.
Rusiya, Şimali Koreya və Çin bayraqları, eləcə də Niger bayraqları dalğalandıran qrup “Ləf olsun Fransa” və “Fransız əsgərlərini istəmirik” yazılı plakatlar daşıyıb.
Niger Xarici İşlər Nazirliyi səfir İteyə avqustun 25-də ölkəni tərk etməsi üçün 48 saat vaxt verib.Fransa həmçinin bəyan edib ki, “xunta Fransa səfirinin getməsini tələb edə biləcək bir hakimiyyət deyil”.
Səfir İtteyə verilən vaxt yerli vaxtla saat 19.00-da bitərkən, Fransa səfirliyi qarşısında alınan təhlükəsizlik tədbirləri diqqət çəkib.
Bildirilir ki, İtte ölkəni tərk etməsə, hərbi administrasiya Fransa səfirliyinə və Fransa hərbi bazasına elektrik enerjisi, su, qida və yanacaq verilməsini dayandıra bilər.
Fransanın Nigerdə 1500-ə yaxın əsgəri və Diori Hamani Beynəlxalq Hava Limanı yaxınlığında hərbi bazası var.
İyulun 26-da Nigerdə hakimiyyətə gələn hərbi idarə Fransa ilə imzalanmış 5 hərbi əməkdaşlıq müqaviləsinin ləğv edildiyini açıqlayıb.
Şayəstə Hüseynova
