İsrail mediası baş nazir Benyamin Netanyahunun ABŞ prezidenti Donald Trampı HƏMAS-la atəşkəslə razılaşmağa razı saldığını iddia edib.
Elchi.az xəbər verir ki, “Yedioth Ahronoth” qəzetinin yazdığına görə, adı açıqlanmayan ABŞ mənbələri yaxınları Qəzzada əsir saxlanılan israillilərin ailələrinə Netanyahunun Trampı atəşkəs və məhbus mübadiləsi razılaşmasını yekunlaşdırmaq üçün ona daha bir həftə vaxt verməyə razı saldığını bildirib.
Bildirilib ki, sözügedən əlavə müddət atəşkəs razılaşmasını iyulun 27-də İsrail parlamentinin yay sessiyasının sonuna yaxınlaşdırmaq məqsədi daşıyır.
Xəbərdə mənbələrə istinadən, “Prezident Tramp Qəzzadakı müharibədən yorulub, lakin Netanyahu bir az daha vaxt qazanmağı bacarıb” deyib.
Digər tərəfdən, Netanyahunun əlavə vaxt müqabilində Trampa nə təklif etdiyinin də məlum olmadığı qeyd edilib.
Bildirilib ki , ABŞ-ın Yaxın Şərq üzrə xüsusi nümayəndəsi Stiv Vitkoff hələ də danışıqlarda olan razılaşmanı yekunlaşdırmaq üçün Qətərə getməməsi Netanyahunun Trampdan əlavə vaxt aldığını göstərir.
İsrailin Walla xəbər saytı adı açıqlanmayan israilli mənbələrə istinadən Qətərin paytaxtı Dohada davam edən atəşkəs danışıqları haqqında məlumat verərək , ” Son günlərdə əldə olunan müəyyən razılaşmadan sonra Həmas ilə dolayı danışıqların yenidən başladığını” bildirib.
Netanyahunun İsrail danışıqlar qrupuna ordunun Qəzzadan çəkilməsi ilə bağlı çeviklik tapşırığı verdiyi , danışıqlar qrupunun mümkün geri çəkilmə ilə bağlı yenilənmiş xəritələr təqdim etdiyi və danışıqların yenidən intensiv şəkildə aparılmağa başladığı iddia edilib.
Nuranə Məmmədova
