“İsrail Qəzza zolağında Fələstinin radikal HƏMAS hərəkatına qalib gəlməsə, bütün ərəb dünyası uduzacaq”.
Elchi.az Reuters.com-a istinadən xəbər verir ki, bu fikirləri İsrailin baş naziri Benyamin Netanyahu hökumətin iclasında bildirib.
O, İsrail qüvvələrinin Qəzzada HƏMAS-a qarşı apardığı əməliyyatlarda qələbə qazanmaq üçün vaxt və səbir tələb olunduğunu vurğulayıb: “Vaxt tapmaq üçün siyasi dəstəyə ehtiyacımız var. Mən ABŞ prezidenti ilə gündəlik əlaqə saxlayıram, komandamız daim həmkarları ilə əlaqə saxlayır. Biz izah edirik ki, təkcə bizim deyil, onların da müharibəsi aparırıq, çünki HƏMAS məğlub olmasa, şər oxu qazanacaq, şər oxu qazansa, azad dünya uduzacaq”, -deyə İsrailin baş naziri qeyd edib.
“Həm Qərb dünyası, həm də bütün ərəb dünyası itirəcək, bəşəriyyət üçün böyük təhlükə yaranacaq. Bu, siyasi səydir və kim töhfə verə bilərsə, bunu etməlidir”, -deyə Netanyahu fikirlərini tamamlayıb.
Yeganə
Son şərhlər