Xəbər verildiyi kimi, İsrailin baş naziri Benyamin Netanyahu, HƏMAS-ın saxladığı məhbusların mümkün razılaşma ilə azad edilsə belə, ölkəsinin Qəzzaya hücumları dayandırmaq öhdəliyi götürə bilməyəcəyini deyib.
Elchi.az “Kanal 12”-yə istinadən xəbər verir ki, Netanyahu Qəzzada saxlanılan məhbusların ailələri ilə görüşüb.
Netanyahu, HƏMAS ilə ölkəsi arasında mümkün məhbus mübadiləsi razılaşması çərçivəsində dayandırılması gözlənilən hücumları məhbuslar azad edildikdən sonra yenidən başlatmağı planlaşdırdıqlarına diqqət çəkib.
Onunla görüşənlərdən biri İsrailin əsirlərin azad edilməsini təmin etmək üçün hücumları dayandırmağa və əsirlərin qayıtdıqdan sonra yenidən başlamasına niyə razı olmadığını soruşduqda, Netanyahu “məhbuslar azad edildikdən sonra müharibəni davam etdirməyi planlaşdırarkən hücumları dayandırmağı öhdəsinə götürə bilməyəcəyini” bildirib.
Netanyahu deyib ki, mümkün razılaşma üçün ölkəsi razılaşmaya vasitəçilik edən ABŞ, Misir və Qətəri məhbuslar azad edildikdən dərhal sonra razılaşmanı poza bilməyəcəyinə inandırmalıdır.
Şayəstə Hüseynova