İsrailin Baş naziri Benyamin Netanyahu Böyük Britaniyanın İsrailə qarşı siyasətini və miqrasiya miqyasını kəskin tənqid edərək, ölkəni “Britaniya İslam Respublikası” adlandırıb.
Elchi.az xəbər verir ki, İsrail podkastına verdiyi müsahibədə Netanyahu bildirib ki, müasir Britaniyada İsrailin tarixinə dair obyektiv və ya rəğbət dolu işıqlandırmaya rast gəlmək mümkün deyil.
O, keçmişdə Uinston Çörçillin nəvəsinin 1967-ci ildəki Altıgünlük müharibəni necə işıqlandırdığını xatırladaraq, indiki vəziyyəti bununla müqayisə edib.
Baş nazir Avropadakı demoqrafik və siyasi dəyişikliklərlə bağlı sərt bir fikir səsləndirdi:
“Kimlərsə deyirdi ki… nüvə silahına malik ilk İslam respublikası Britaniya İslam Respublikası olacaq. Buna görə də biz İranın belə bir imkana yiyələnməsinin qarşısını almaq üçün əlimizdən gələni edirik”.
Bu bəyanatlar Qəzzadakı müharibə səbəbindən London və Təl-Əviv arasındakı münasibətlərdə davam edən böhran, Britaniya hökumətinin İsrailin hərəkətlərinə dair tənqidləri və Britaniyanın Fələstini rəsmən tanıması fonunda səsləndirilib. Netanyahu daha əvvəl dəfələrlə Böyük Britaniya Leyboristlər Partiyasının rəhbərliyini faktiki olaraq Həmasa güzəştə getməkdə və ya ona yaltaqlanmaqda ittiham etmişdi.
Yeganə
