Devid Harrisin rəhbərlik etdiyi nümayəndə heyəti Diasporla İş üzrə Dövlət Komitəsində olub
Nazim İbrahimov Amerika Yəhudi Komitəsinin nümayəndə heyəti ilə görüşüb. Diasporla İş üzrə Dövlət Komitəsindənin mətbuat xidmətindən ANS PRESS-ə verilən məlumata görə, Bakıda səfərdə olan Amerika Yəhudi Komitəsinin (AYK) İcraçı direktoru Devid Harrisin rəhbərlik etdiyi nümayəndə heyəti bu gün Diasporla İş üzrə Dövlət Komitəsində görüş keçirib.
Görüşdə Azərbaycan həqiqətlərinin dünyaya çatdırılmasında, Azərbaycan-ABŞ, Azərbaycan-İsrail münasibətlərinin inkişafında təşkilatın rolu, eləcə də Dövlət Komitəsi ilə AYK arasında əməkdaşlığın perspektivləri müzakirə olunub.
Daha sonra Azərbaycandakı tolerantlıq münasibətə toxunan Nazim İbrahimov qonaqların diqqətinə çatdırıb ki, Azərbaycan dünyada yəhudilərə qarşı bir dəfə də olsun antisemitizm hallarına yol verməyən yeganə dövlətdir.Dövlət Komitəsinin sədri bildirib ki, azərbaycanlılarla yəhudilər arasında əsrlərdən bəri mövcud olan dostluqdan, qardaşlıqdan çıxış edərək Azərbaycanın səsinin dünyaya çatdırılmasını xahiş etməyə haqqımız var. “Bizim Azərbaycanın dünyaya daha çox tanıdılmasında, ikili standartlara yol verilməməsində, ölkədə gedən proseslərin düzgün şəkildə təqdim edilməsində dostlara ehtiyacımız var”.
AYK-nin İcraçı direktoru və nümayəndə heyətinin rəhbəri Devid Harris isə 2008-ci ildən başlayan belə səfərlərin davamlı olacağını deyib.
ANS PRESS
