Eyni zamanda nazir alyansın açıq qapı siyasətinə də işarə edib.
Elchi.az xəbər verir ki, NATO Ukrayna münaqişəsi zamanı öz sıralarının genişləndirilməsini müzakirə edə bilməz, belə bir bəyanatla cümə axşamı, iyunun 1-də Almaniyanın xarici işlər naziri Annalena Berbok çıxış edib.
“Hər bir ölkə hansı ittifaqın, müdafiə ittifaqının üzvü olacağına özü qərar verə bilər. Bu, NATO-nun açıq qapı siyasətidir”, – Almaniya Xarici İşlər Nazirliyinin rəhbəri Osloda NATO xarici işlər nazirlərinin qeyri-rəsmi görüşünə gələrkən deyib.
Onun sözlərinə görə, açıq qapı siyasətinin saxlanması faktı “Finlandiyanın qəbulu ilə birmənalı olaraq göstərilib” və İsveçin tezliklə alyansa üzv olacağına ümid etdiyini bildirib. “Eyni zamanda, aydındır ki, münaqişənin ortasında yeni üzvlərin daxil olması barədə danışa bilmərik” dedi.
Şayəstə Hüseynova