Ukraynanın NATO müttəfiqləri Krımda Qərb silahlarından istifadə etmək üçün Kiyevə yaşıl işıq yandırıblar. Elchi.az xəbər verir ki, bu fikri İspaniyanın “El Pais” qəzeti bildirib.
Materialda Ukraynanın Krımda yeni müharibə cəbhəsi açdığı qeyd edilir. “Kiyevin NATO müttəfiqləri ona təqdim etdikləri silahlardan istifadə etmək üçün yaşıl işıq yandırıblar”, – deyə nəşr bildirib. O, həmçinin əlavə edib ki, Ukrayna Krımda Qərb tərəfindən təchiz edilmiş “Storm Shadow” qanadlı raketlərindən istifadə edir.
Qeyd edək ki, sentyabrın 22-də günortadan sonra Ukrayna Silahlı Qüvvələri Qara dəniz donanmasının Sevastopoldakı qərargahına raket zərbəsi endirib. Müdafiə Nazirliyinin məlumatına görə, hava hücumundan müdafiə sistemləri hücumu dəf edərkən 5 raketi vurub.
Havar Şəfiyeva