NATO-nun dörd gəmisi bu gün Batumi sahillərinə yan alıb.
Bunu jurnalistlərə açıqlamasında Gürcüstandakı Acariya Muxtar Respublikasının rəhbəri Arçil Xabadze söyləyib. Onun sözlərinə görə, Batumi sahillərinə ilk dəfədir ki, bu qədər amerikalı hərbçi gəlir. Bu gəmilərin Batumi sahillərində fevralın 15-ə qədər qalacağı gözlənilir. Üstəlik, sabah Batumiyə ABŞ kontr-admiralı Cocio Latsionun gələcəyi də bildirilir.
Qeyd edək ki, Gürcüstanla NATO-nun əməkdaşlığı 1994-cü ildən başlayıb. 2004-cü ildəki qızılgül inqilabından sonra bu əlaqələr daha da güclənib. 2008-ci ilin aprelində NATO-nun Buxarest sammitində Gürcüstanın gələcəkdə alyansa üzv ola biləcəyi təsdiqlənib.