NASA-nın “Psyche” kosmik gəmisi dərin kosmosda rabitə sahəsində əsaslı lazer sınaqlarını tamamladı. Yer 218 milyon mil (350 milyon km) məsafədən göndərilən 65-ci və son lazer siqnalını uğurla qəbul etdi.
Elchi.az xəbər verir ki, 2024-cü ilin dekabrında Psyche 294 milyon mil (494 milyon km) məsafədən Yerə infraqırmızı lazer mesajı ötürməklə rekord qırdı.
Bu məsafə Yerlə Mars arasındakı orta məsafədən iki dəfə çoxdur və Ayın məsafəsinin 1285 mislinə bərabərdir. Sınaqlar zamanı ümumilikdə 13,6 terabayt məlumat ötürülüb. Ən diqqətəlayiq məqamlardan biri 19,5 milyon mil (30,5 milyon km) məsafədən saniyədə 267 meqabit sürətlə ultra yüksək rezolyusiyaya malik videonun Yerə ötürülməsi oldu.
Mars üçün kritik bir addım
NASA rəsmiləri gələcək Mars missiyaları üçün lazer rabitə texnologiyasının həlledici əhəmiyyətini vurğuladılar. ABŞ Kosmik Agentliyinin müvəqqəti administratoru Şon Daffi, “Bu texnologiya yüksək ayırdetmə qabiliyyətinə malik video və Marsın səthindən məlumatların sürətli ötürülməsinə imkan verəcək. Biz kəşfiyyatın qızıl dövrünə hazırlaşırıq” deyib.
Şayəstə Hüseynova
