Myanma yerli mediası hərbçilərin Buddist bayramı zamanı törətdiyi bombalı hücumda 32 nəfərin öldüyünü, 50-dən çox insanın isə yaralandığını bildirib.
Elchi.az xəbər verir ki, “The Irrawaddy” qəzetinin məlumatına görə, Myanma hərbçiləri Saqainq bölgəsində Buddist festivalına bombalı hücum həyata keçirib.
İlkin məlumatlara görə, xunta əleyhinə nümayiş zamanı baş verən hücumda 32 nəfər ölüb, 50-dən çox adam yaralanıb.
Bildirilir ki, partlayışlar cəsədləri səpələyib və qurbanların şəxsiyyətini müəyyənləşdirmək çətinləşib.
Myanmada bir neçə anti-xunta qrupları 2021-ci ildə hərbçilər hakimiyyəti ələ keçirdikdən sonra hər il “İşıqlar Festivalı” mənasını verən Thadingyut dini festivalı zamanı şamlarla dinc yürüşlər keçirərək hərbi hökumətə etiraz edirlər.
Şayəstə Hüseynova
