Bu gün Müsavat Partiyası Divanının növbədənkənar iclası keçirilib.
Partiyanın mətbuat xidmətindən musavat.com-a daxil olan xəbərə göə, parlament seçkilərində namizədlərin qeydə alınması mərhələsindən sonra Məclisin qərarına uyğun olaraq seçki prosesinin gedişi müzakirə olunub.
İmza toplanması kampaniyası dövründə Müsavat Partiyasından olan namizədlərə, imza toplayan fəallara, seçicilərə qarşı olan təqib və təzyıqlər barədə məlumat verilib.
Partiya tərəfindən 70 dən çox seçki dairəsindən namizədlərin irəli sürülməsinə baxmayaraq, yalnız 23 seçki dairəsi üzrə namizədlərin qeydə alınması hakimiyyətin Müsavata qarşı apardığı xüsusi təqib kampaniyasının davamı kimi qiymətləndirilib.
Müsavat Partiyası Məclisinin və Divanının Parlament seçkilərində iştirak barədə mərhələli qərarlarına əsasən, seçkilərdə iştirak etməkdə əsas hədəflərin demokratiya uğrunda mübarizənin fasiləsizliyinin təmin edilməsi, cəmiyyətin müqavimət gücünün qorunub saxlanması və artırılması, seçki kampaniyasının verdiyi məhdud imkanlardan istifadə edərək cəmiyyətlə təmasların möhkəmləndirilməsi, hakimiyyət tərəfindən yol verilən qanun pozuntuları və saxtakarlıqların miqyası barədə ölkə və beynəlxalq ictimaiyyətin məlumatlandırılması və s. olduğu bir daha vuruğulanıb.
Seçkilər dövrünün bütün məhdud imkanlarından istifadə edərək avtoritarizmə qarşı demokratik mübarizəni davam etdirməyin zəririliyi barədə qərar qəbul edilib.
Divan hakimiyyətin tərəfindən İctimai Televiziyada debatlar məqsədi ilə pulsuz efir vaxtının ayrılmasına məhdudiyyət qoyulmasını bərabər hüquqlu təbliğat imkanları prinsipinin kobud surətdə pozulması kimi dəyərləndirib. Pulsuz efir vaxtının ayrılması üçün dərhal müvafiq qərarların qəbul olunmasını tələb edib.
ATƏT-in geniş tərkibdə Müşahidəçi Missiyasının seçkilərdə iştirakı ilə bağlı qərarlara yenidən baxılmasının seçki prosesi üçün mühüm olduğu vurğulanıb.
Müsavat Partiyasının Divanı seçki prosesində iştirakı ilə bağlı məsələnin bir daha seçki günü ərəfəsində müzakirə olunması barədə qərar qəbul edib.
Sonda carı məsələlər müzakirə edilib.
Son şərhlər