Müsəlman gənc bu addımı ilə İslamı bütün dünyaya təqdim etdi – Fotolent

“Charlie Hebdo” hadisəsi ilə silkələnən Fransa növbəti gün 4 nəfərin ölümünə səbəb olan başqa bir market basqını ilə sarsıldı. Əslində növbəti gün baş verən hadisə müsəlman gəncin timsalında İslamı və müsəlmanları fransalılara təqdim etdi.

İnterAz-ın Türkiyə mediasına istinadən verdiyi məlumata görə, malili müsəlman gənc Lassana Bathily 9 yanvar tarixində bir yəhudi marketinə təşkil edilən silahlı hücum zamanı 15 nəfərin həyatını xilas edib. Belə ki, Bathily silahlı hücum zamanı 15 nəfəri marketin aşağısında yerləşən depoya düşürtmüş və burada olan böyük soyuducuda gizlədərək həyatlarını xilas etmişdi. 

Müsəlman gəncin bu qəhrəmanlığına və göstərdyi cəsarətə görə, prezident Ollan da birbaşa Lassana Bathilyə zəng etmiş və ona təşəkkürünü bildirmişdi.

Dünən isə Fransada baş nazir Manuel Valls və Daxili İşlər naziri Bernard Cazeneuvenin iştirakı ilə təşkil olunan tədbirdə Lassana Bathilyə Fransa vətəndaşlığı verildi. Fransa Daxili İşlər naziri Bernard Cazeneuve çıxışı zamanı üzünü Bathilyə tutaraq, “O sülh və barış dini olan İslamın qəhrəmanı oldu” – deyə müraciət edib.

Lassana Bathily isə “Fransa məni qəhrəman kimi təqdim etdi, amma mən qəhrəman deyiləm, mən Lassanayam” – deyə çıxış edib.