Moskvanın Moldovanı münaqişəyə sürükləmək istədikləri barədə xəbərdarlığına baxmayaraq Kişinyov Kiyevə yardımı davam etdirəcək.
Elchi.az xəbər verir ki, Müvafiq bəyanat Xarici İşlər Nazirliyinin Telegram-kanalında yer alıb.
Daha əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirmişdi ki, Kişinyov son bir ildə Rusiya mediasını sıxışdırıb, Avropa İttifaqının anti-Rusiya sanksiyalarına qoşulub və Rusiyanın ölkəyə girişinə kütləvi məhdudiyyətlər tətbiq edib.
“Biz Rusiya Xarici İşlər Nazirliyinin nümayəndəsinin bu yaxınlarda verdiyi yalan bəyanatları pisləyirik. Ölkəmizin neytrallığı təcrid demək deyil”, – mətndə deyilir.
Moldova Xarici İşlər Nazirliyi “ölkənin sülhünü və təhlükəsizliyini qorumaq üçün təşkilatlar və dövlətlərlə tərəfdaşlıq əlaqələri qurur”, “demokratik dəyərləri təbliğ edənlərlə” əməkdaşlıq edir.
“Müharibənin ilk günündən biz Rusiyanın Ukraynaya təcavüzünü qətiyyətlə pislədik. Biz bundan sonra da ukraynalı dostlarımıza həm ikitərəfli səviyyədə, həm də beynəlxalq təşkilatlarda hər cür yardım göstərəcəyik.
Moldova Xarici İşlər Nazirliyi həmçinin əlavə edib ki, Kişinyov Aİ-yə üzv olmaqda qərarlıdır və bu səyləri pozmaq cəhdlərini rədd edir.
Nuranə Məmmədova
Son şərhlər