İsrailin Dohaya hücumundan sonra Qətər əmiri Şeyx Təmim bin Həməd Al Tani Misir prezidenti Əbdülfəttah əs-Sisidən şifahi həmrəylik mesajı alıb.
Elchi.az xəbər verir ki, Qətərin rəsmi xəbər agentliyinin verdiyi məlumata görə , Misir prezidenti Əbdülfəttah əs-Sisi İsrailin Dohaya hücumundan sonra Qətər əmiri Şeyx Təmim bin Həməd Al Taniyə həmrəylik mesajı göndərib. Bu mesajı Misirin xarici işlər naziri Bədr Əbdülətti Dohada keçirilən görüş zamanı verib.
Misir, Qətər və ABŞ-ın İsrailin Qəzzada apardığı müharibəyə son qoymaq və məhbusların azad edilməsini təmin etmək üçün vasitəçilik fəaliyyətini davam etdirdiyi xatırladılıb.
Qahirə administrasiyası Qətərlə həmrəylik nümayiş etdirərək regionda gərginliyin daha da artmasının qarşısını almaq üçün birgə diplomatik mövqenin inkişaf etdirilməsinə çağırıb.
Nuranə Məmmədova
