Misir islamçı Həmas qruplaşması və İsrail tərəfindən saxlanılan girovların azad edilmək üçün siyahılarını alıb. Elchi.az “Əl-Yum Əs-Sabia”ya istinadən xəbər verir ki, bunu Misir Dövlət İnformasiya Xidmətinin rəhbəri Diya Rəşvan deyib.
“Misir Fələstin və İsrail tərəflərindən sabah, cümə günü, atəşkəsin ilk gününün günortadan sonra sərbəst buraxılması planlaşdırılan məhbus və əsirlərin siyahılarını alıb”, – deyə Rəşvan bildirib.
HƏMAS daha əvvəl azı 50 girovu azad etmək üçün razılığa gəlib.Qeyd olunur ki, girovların əvəzində İsrail hərbi əməliyyatların 3-5 gün müddətində dayandırılmasına, həmçinin Qəzzaya humanitar yardımın artırılmasına və İsrail həbsxanalarında saxlanılan naməlum sayda fələstinli qadın və uşaqların azad edilməsinə razılıq verəcək.
Havar Şəfiyeva
Son şərhlər