Serbiyanın Zlatibor şəhərində məktəblilər arasında keçirilən boks üzrə Avropa çempionatı zamanı məşqçimiz hakimi vurub.
Elchi.az xəbər verir ki, münaqişə Yusif Ağakişiyevlə serbiyalı boksçu Viktor Maystoroviç arasındakı qarşılaşma zamanı yaşanıb. Belə ki, görüşü idarə edən şimali makedoniyalı hakim Stefan Tsubalevskinin qərarlarından narazı qalan azərbaycanlı məşqçi rinqə daxil olaraq, hakimə müqavimət göstərib.
Bundan sonra döyüş dayandırılıb, boksçumuza məğlubiyyət verilib. Bununla da idmançımız gümüş medalla kifayətlənməli olub.
