Almaniya kansleri Fridrix Merts ictimai dəstəyi itirməkdə davam edir, onun reytinqi rekord dərəcədə aşağı düşüb.
Elchi.az xəbər verir ki, bunu “Wahlen” tədqiqat institutunun keçirdiyi sorğunun nəticələri göstərir.
Araşdırmaya əsasən, Merts +5 ilə -5 arasında dəyişən şkalada -1,9 xal toplayıb ki, bu da onun üçün sözügedən sorğuda qeydə alınan ən aşağı göstəricidir. Müdafiə naziri Boris Pistorius +1,3 xalla ən populyar siyasətçi mövqeyini qoruyub saxlayır. Sosial Demokratların lideri və vitse-kansler Lars Klinqbayl da -0,6 xalla mənfi göstəricilər zonasında qalır. “Almaniya üçün Alternativ” partiyasının lideri Alis Vaydel isə -2,5 xalla on siyasətçi arasında sonuncu yeri tutur.
Sorğu həmçinin aşkar edib ki, almanlar Fridrix Mertsin öz partiyasının tam dəstəyinə malik olub-olmadığına dair ciddi şübhələr keçirirlər. Respondentlərin 80%-i, o cümlədən CDU/CSU tərəfdarlarının 67%-i belə hesab edir ki, CDU öz sədrini tam dəstəkləmir.
Əgər Bundestaq seçkiləri bu bazar günü keçirilsəydi, “Almaniya üçün Alternativ” (AfD) partiyası səslərin 27%-i ilə liderlik edərdi. CDU/CSU bloku 22%-lə ikinci yeri tutardı. Almaniya Sosial Demokrat Partiyası 12%, Yaşıllar 14%, “Sol” (Die Linke) partiyası isə 12% səs toplayardı.
“Politbarometer” sorğusu “Wahlen” tədqiqat qrupu tərəfindən 17-19 avqust tarixlərində telefon və onlayn sorğular vasitəsilə həyata keçirilib. Tədqiqatda ümumilikdə 1319 Almaniya vətəndaşı iştirak edib. Müəyyən edilmiş xəta payı 2 ilə 3 faiz bəndi arasındadır.
Yeganə
