İtaliyanın Baş naziri Ciorca Meloni Rusiya Prezidenti Vladimir Putinin Mayamidə keçiriləcək G20 sammitinə mümkün dəvətini tənqid edib.
Elchi.az xəbər verir ki, bu barədə “Evropeyskaya pravda” məlumat yayıb.
Kiprdə Aİ liderlərinin qeyri-rəsmi görüşündən əvvəl jurnalistlərə açıqlama verən Meloni bildirib ki, indi Rusiya liderinə doğru addım atmağın vaxtı deyil, əksinə, ondan güzəştlər tələb etmək lazımdır.
O, həmçinin qeyd edib ki, ABŞ son aylarda Rusiya ilə bağlı artıq müəyyən addımlar atıb, lakin onun sözlərinə görə, Moskva tərəfindən buna qarşılıqlı cavab verilməyib.
“İndi addım atmaq deyil, məhz Putindən addım atmağı tələb etmək vaxtıdır”, — deyə İtaliyanın Baş naziri bəyan edib.
Məryəm
