Medianın İnkişafı Agentliyi və Azərbaycan Mətbuat Şurası Qəzza zolağında həlak olan Türkiyənin TRT telekanalının əməkdaşı Yəhya Bərzakla bağlı başsağlığı yayıb.
Bu barədə Elchi.az-a Azərbaycan Mətbuat Şurasından məlumat verilib.
Bildirilib ki, Qəzza zolağında Türkiyənin TRT telekanalının əməkdaşı Yəhya Bərzakın həlak olması böyük faciədir: “Hadisə jurnalistikanın təhlükəli peşə reallığını bir daha sübuta yetirir, zaman-zaman müzakirəsi aparılan media və ekstremal şəraitlər mövzusunu ön plana çıxarır.
Müharibə və münaqişə zonalarında fəaliyyət göstərən jurnalistlərin üzləşdikləri faciələr, eyni zamanda, söz və ifadə azadlıqlarına, informasiya almaq hüququna zidd təmayül kimi meydana çıxır. Təəssüf ki, beynəlxalq aləm bu cür mənfi təmayüllərin qarşısında acizdir. Y.Bərzak da məhz həmin acizliyin növbəti qurbanıdır. Müasir müstəqilliyi dövründə iki müharibə görmüş Azərbaycan jurnalistikasının da onun kimi qurbanları olub.
Azərbaycan Mətbuat Şurasının İdarə Heyətinin üzvləri Y.Bərzakın Qəzzada həyatını itirməsindən dərin kədər hislərini ifadə edərkən, dünyanın müharibələrdən, münaqişələrdən və onların doğurduğu jurnalist ölümlərindən də uzaq məkana çevrilməsini arzulayır, TRT telekanalının timsalında bütövlükdə qardaş ölkə mediasına başsağlığı verir, mərhumun həmkarlarının və yaxınlarının üzüntülərini bölüşür, onlara səbr və dözüm diləyirlər.
Allah rəhmət eləsin!”
Eyni zamanda, MEDİA “X” hesabında paylaşım edib:
“Azərbaycan Respublikasının Medianın İnkişafı Agentliyi Qəzzada peşə borcunu yerinə yetirərkən həyatını itirən jurnalist Yahia Barzaqın həlak olması ilə bağlı Türkiyə ictimaiyyətinə, TRT ailəsinə və mərhumun yaxınlarına dərin hüznlə başsağlığı verir. Allah rəhmət eləsin!”
Cəhənnəm olsun bu müharibələr, jurnalistlərdə nə günə düşüb belə. Allah rəhmət eləsin. TRT-yə də allah səbr versin. Qəzzada olanlarada Allah kömək olsun.
Çox təsirli bir xəbərdir, Allah rəhmət eləsin Yəhya bəyə. MEDİA və Mətbuat Şurası da yerində addım atıb, bu cür faciələrə biganə qala bilməzlər. Jurnalistlərin işi çətindir, əvvəlki şərhlərdə də dediyim kimi, Allah hamısına kömək olsun.
Çox təsirlü bir xəbərdir, Allah rəhmət eləsin Yəhya bəyə. MEDİA və Mətbuat Şurası da yerində addım atıb, bu cür faciələrə biganə qala bilməzlər. Jurnalistlərin işi çətindir, Allah hamısına kömək olsun. Elə bu cür acı hadisələrdən də bu bəlli olur.
Ayə, necə yəni jurnalistlər də belə ölə bilərlər? Adamın əli qızıl qələmdən çıxmaz! Yəqin işi çətin idi, Allah rəhmət eləsin. Amma elə bil xəbər belə gəldi, kim bilir, başqa nə baş verib.
Ay, necə yəni jurnalistlər də belə ölə bilərlər? Hələ adamın əli qızıl qələmdən çıxmaz deyilən adamın ölümü necə ola bilər ki. Yəqin işi çətin idi, Allah rəhmət eləsin. Amma elə bil xəbər belə gəldi, kim bilir, başqa nə baş verib orda.