İlon Maskın “SpaceX” korporasiyası Avropada Starlink peyk rabitə xidmətinin satışını artırmaq üçün Dublində ilk Avropa ofisini açmağı planlaşdırır.
xəbər verir ki, bu barədə “The Times” qəzeti şirkət işçilərindən birinə istinadən məlumat yayıb.
“SpaceX” İrlandiya və digər Avropa ölkələrində Starlink genişzolaqlı internetə çıxışı təmin etməklə beynəlxalq izlərini genişləndirir.
Korporasiyanın 20 ildən çox əvvəl Musk tərəfindən təsis edilən yeni filialı bütün qitədə Starlink əməliyyatlarına dəstək verəcək.
Hazırda provayder qlobal şəbəkənin etibarsız, bahalı və ya tamamilə əlçatmaz olduğu ərazilərə xüsusi diqqət yetirməklə, 60-dan çox ölkədə yüksəksürətli İnternetə çıxış təmin edir.
Starlink şəbəkəsi 5G standartına uyğun gələn saniyədə 1 giqabit trafik sürəti ilə planetin istənilən yerindən İnternetə çıxışı təmin etmək üçün nəzərdə tutulub. Şirkət artıq orbitə 4,5 mindən çox mikropeyk çıxarıb. Təxminən 4,1 min peyk işlək vəziyyətdədir, qalanları texniki səbəblərdən sıradan çıxıb və ya orbitdən çıxıb. “SpaceX” hesab edir ki, cəmi 11 min peykin orbitə buraxılması və onların istismara verilməsi 10 milyard dollara başa gələcək.
Nuranə Məmmədova
