Kolumbiyanın şimalındakı Sukre bölgəsindəki Tolu şəhərində məzun şənliyinə qatılan şagirdləri daşıyan məktəb avtobusu qayadan düşdü, nəticədə 17 nəfər öldü, 20 nəfər yaralandı.
Elchi.az xəbər verir ki, Antiokia bölgəsinin Medellin şəhərindəki Antiqueno Liseyinin şagirdləri məzun olmalarını qeyd etmək üçün Sukre bölgəsinin Tolu şəhərində keçirilən tədbirdə iştirak etdilər. Şənlikdən sonra şagirdlər Medellinə qayıtmaq üçün yola düşdülər. Lakin şagirdləri daşıyan məktəb avtobusu səyahət zamanı Remedios şəhəri yaxınlığında qayadan düşdü.
Antiokia qubernatoru Andres Julian sosial media hesabında faciəli qəzada 1 avtobus sürücüsü və 16 şagirdin həyatını itirdiyini, 20 nəfərin isə yaralandığını açıqladı. Julian cəsədlərin Medellin Tibb Hüquq İnstitutuna vertolyotla gətirildiyini və Medellin şəhərindəki Bello şəhərinin meri Lorena Qonsales ilə sıx əməkdaşlıq etməyə davam etdiklərini bildirdi. Belloda qəzada həlak olanlar və yaralananlar üçün birlik və həmrəylik rəmzi olaraq şam işığında anım mərasimi keçirildi.
Şayəstə
