Nazirlər Kabineti məişət zorakılığı ilə bağlı qaydalarda dəyişiklik edib.
Elchi.az xəbər verir ki, bu barədə Baş nazir Əli Əsədov qərar imzalayıb.
Qərara əsasən, Azərbaycan Respublikası Nazirlər Kabinetinin 2024-cü il 30 iyul tarixli 367 nömrəli qərarı ilə təsdiq edilmiş “Məişət zorakılığının qarşısının alınması sahəsində monitorinq və əlaqələndirmə qruplarının fəaliyyət Qaydası”na dəyişiklik edilib.
Dəyişikliyə əsasən, qaydanın 6.4-cü bəndində yer alan “ictimai, siyasi və humanitar” sözləri “ərazi-təşkilat və ictimai-siyasi” sözləri ilə əvəz olunub.
Qərar Azərbaycan Prezidenti İlham Əliyevin 2025-ci il 10 dekabr tarixli “Yerli icra hakimiyyəti orqanlarının strukturunun və idarə edilməsinin təkmilləşdirilməsi haqqında” fərmanına uyğun olaraq qəbul edilib.
