“Ayrılsaqda bərabərik”in çəkilişləri bu həftədən başlayır
Azərbaycanlıların da yaxşı tanıdığı məşhur türk serialı geri qayıdır. ANS PRESS-in məlumatına görə, “Ayrılsaqda bərabərik” serialı yenidən çəkiləcək.
Serila 1999-2004-cü illər arasında yayımlanıb. Bu müddət ərzində 450 seriya çəkilib. Filmdə azərbaycanlı gəlindən bəhs edən “Yahşi Cazibə” serialında da baş rolu ifa edən Hakan Yılmaz, Janset kimi aktyorlar rol alıb.
Ayrılsalar da eyni evi iki yerə bölərək yaşayan cütlükdən bəhs edən serial yeni versiyada lentə alınacaq.
Serialın rejissorluğunu bir çox tanınmış türk serialını lentə alan Birol Güvən edəcək. Yeni versiyada Mete Horozoğlu və Alqı Ekenin sevgisindən bəhs ediləcək.
Çəkilişlər yanvarın 31-dən başlayacaq.
ANS PRESS