Serbiya prezidenti Aleksandr Vuçiç “Hit Tvit” proqramına eksklüziv müsahibəsində ilk dəfə olaraq ölkədə çevriliş cəhdi və kütləvi etirazlar ətrafında baş verənlər barədə ətraflı danışıb.
Elchi.az xəbər verir ki, Vuçiç ölkədə dövlət çevrilişinin planlaşdırıldığını, hökumətin və təhlükəsizlik qüvvələrinin çevik tədbirləri sayəsində bunun qarşısı alındığını bildirib.
“Qan tökülməsinin qarşısını almaq və dövlətin sabitliyini qorumaq üçün qətiyyətli hərəkət etmək vacib idi. Müxalifət qüvvələri etiraz aksiyaları təşkil etməklə və vətəndaşları radikal hərəkətlərə təhrik etməklə vəziyyəti pozmağa cəhd ediblər”,-deyə Serbiye prezidenti qeyd edib.
Vuçiçin sözlərinə görə, bu etirazlar “rəngli inqilab” kimi xarakterizə edilib və hökuməti sarsıtmaq məqsədi daşıyıb. Prezident bu çətin anlarda hökumətə göstərdikləri dəstəyə görə Serbiya vətəndaşlarına minnətdarlığını bildirib: “Sizin birliyiniz və vicdanınız sayəsində böhrandan çıxa bildik, asayişi qoruya bildik”.
Vuçiç qeyd edib ki, əvvəllər aktiv etirazlarda iştirak edənlərin təxminən 25%-i indi təşkilatçılardan tamamilə məyus olub və zorakılıqdan əl çəkir. O, “Novi Sad” qatar stansiyasında beton örtüyünün uçduğu faciəli hadisəni də xatırladıb.
“Bu, dəhşətli faciədir və biz qurbanların və yaralananların ailələrinə dəstək olmaq üçün əlimizdən gələni edirik”, – Vuçiç bildirib.
O, əlavə edib ki, bu hadisə geniş ictimai etiraza səbəb olub və ölkədə tikinti obyektlərində təhlükəsizlik və nəzarət problemlərinə diqqət çəkib. Vuçiç vurğulayıb ki, 5 oktyabr hadisələrindən, Serbiya struktur problemlərindən tutmuş iş yerləri böhranına və sosial iğtişaşlara qədər bir sıra problemlərlə üzləşib: “Biz səhvləri təkrarlamamaq üçün keçmişdən dərs almalıyıq”, – prezident qeyd edib.
Vuçiç onu da vurğulayıb ki, aydın proqramı və ideyası olmayan simasız müxalifət qüvvələri ilə mübarizə davam edir: “Məqsədimiz konkret şəxslərlə döyüşmək deyil, ölkəni və sabitliyi qorumaqdır”, – Vuçiç vurğulayıb.
Yeganə
Çox əla məqalə! Prezident Vuçiçin dediklərini tam dəstəkləyirəm. Ölkənin sabitliyi hər şeydən önəmlidir. Belə çətin vaxtlarda onun qətiyyətli mövqeyi təqdirəlayiqdir. Xalqla bir yerdə bu böhrandan çıxacağımıza inanıram.
Əslində, prezident Vuçiç doğru deyir. Belə bir çevriliş cəhdinin qarşısının alınması üçün tədbirlər görülməsi vacib idi. Qan tökülməsini istəməyən hər kəs prezidentin mövqeyini anlayışla qarşılayar. Ölkənin sabitliyini qorumaq hər zaman prioritet olmalıdı.