Ukraynadakı münaqişənin sülh yolu ilə həlli onun bütün iştirakçılarının qanuni təhlükəsizlik narahatlıqlarını nəzərə almalıdır.
Elchi.az xəbər verir ki , bunu Braziliya prezidenti Luiz İnasiu Lula da Silva onun təşəbbüsü ilə çağırılan fövqəladə onlayn BRİKS sammiti zamanı deyib.
“Ukraynaya gəldikdə, bütün tərəflərin qanuni təhlükəsizlik maraqlarını nəzərə alan nizamlanma üçün real konsepsiyaya yol açmaq lazımdır”, – deyib.
Braziliya lideri Alyaskada keçirilən Rusiya- ABŞ sammitinin Ukrayna münaqişəsinin həlli istiqamətində atılan addım olduğunu vurğulayıb. Eyni zamanda, o qeyd edib ki, Braziliya və Çin tərəfindən yaradılan “Sülh Dostları” qrupu diplomatik vasitələrlə Ukraynanın nizamlanmasına töhfə verə bilər.
Bundan əvvəl Rusiya prezidenti Vladimir Putinin Braziliyanın çağırdığı BRİKS-in fövqəladə onlayn sammitinə qatıldığı məlum olub. Sammit çərçivəsində assosiasiya ölkələrinin rəhbərləri ABŞ prezidenti Donald Trampın ticarət siyasətini də müzakirə edəcəklər.
Nuranə Məmmədova
Son şərhlər