Lukaşenko: Şimali Koreya lideri heç kimin həyatına müdaxilə etməyən möhkəm kişidir.
Elchi.az xəbər verir ki, Şimali Koreya lideri Kim Çen In heç kimin həyatına müdaxilə etməyən “sərt oğlandır”. Belarus Prezidenti Aleksandr Lukaşenko bunu RT-yə verdiyi müsahibədə bildirib.
“Kim Şimali Koreyadadır. Siz onu şeytanlaşdırmısınız. O, gözəl, ağıllı, savadlı bir insandır. Öz maraqları uğrunda mübarizə aparır. Ölkəsinin maraqları uğrunda. O, heç kimin həyatına müdaxilə etmir. Onu məhv etməyə çalışan sizsiniz. O, özünü qorumağa çalışan sərt oğlandır”, – deyə o bildirib.
Lukaşenkonun sözlərinə görə, Şimali Koreya lideri onunla yaxşı, dost münasibətləri qurmağa hazırdır.
Mart ayının sonunda Lukaşenko və Kim Çen In Pxenyanda rəsmi danışıqlar aparıblar və bundan sonra iki ölkə arasında münasibətlərdə yeni bir mərhələnin başlanğıcını elan ediblər. Liderlər həmçinin Belarus və Şimali Koreya arasında dostluq və əməkdaşlıq haqqında müqavilə imzalayıblar və hədiyyələr mübadiləsi aparıblar. Lukaşenko Kim Çen Ina avtomatik tüfəng hədiyyə etdi və onu Belarus məhsulları ilə – prezident şokoladı, zefir və qara çörəklə mükafatlandırdı. Şimali Koreya lideri isə bunun müqabilində ona qılınc, ənənəvi Koreya üslubunda böyük vaza və onun gəlişi münasibətilə xüsusi olaraq hazırlanmış suvenir qızıl sikkə hədiyyə etdi.
Şayəstə
