Lukaşenko: “Biz Moskvaya hücum edənlərin Belarusa daxil olmasının qarşısını aldıq”
Belarus prezidenti Aleksandr Lukşaneko Moskvaya hücum edənlərin Belarusa girməsinin qarşısını aldıqlarını bildirib.
Elchi.az xəbər verir ki, Martın 22-də Rusiyada konsert salonuna silahlı hücumdan sonra Ukrayna sərhədindəki Bryansk vilayətində 4 hücumçu yaxalanıb.
Hücumla bağlı açıqlama verən Belarus prezidenti Aleksandr Lukşaneko, hücum edənlərin Belarusa girməsinin qarşısını alaraq Rusiya prezidenti Vladimir Putinə kömək etdiklərini bildirib. Hücum edənlərin əvvəlcə Belarusa girməyə çalışdıqlarını ifadə edən Lukaşenko, “Burada yüksək təhlükəsizlik tədbirləri ilə qarşılaşdılar. Bu səbəbdən Ukrayna sərhədinə getdilər” deyib.
Hücumdan sonra Putinin xalq qarşısında çıxışını çox gec etdiyi ilə bağlı iddialara cavab verən Belarus lideri, “Putin və mən 24 saat yatmadıq. Tənqidçilər bu barədə nə bilirlər? Davamlı qarşılıqlı əlaqə var idi. “Bir şey demək lazım olanda çıxıb dedi.
Martın 22-də Rusiyada konsert salonuna edilən hücumda 139 nəfər ölüb, 182 nəfər yaralanıb. Hücumla bağlı indiyədək 8 nəfər saxlanılıb.
Şayəstə Hüseynova
Son şərhlər