Naməlum hərbi təyyarə Liviya limanında neftlə dolu tankerə zərbə endirib.
Nəticədə iki nəfər həlak olub, iki nəfər heyət üzvü yaralanıb.
Məlumata görə, bomba zərbəsinə məruz qalan gəmi Yunanıstanın “Aegean Shipping Management” şirkətinə məxsus olan və Liberiya bayrağı altında üzən “ARAEVO” tankeridir.
Tanker Derna limanında lövbər salıbmış və göyərtəsində 26 heyət üzvü, 12 min 600 ton xam neft olub.
“Libiya Herald” xəbər verir ki, zərbə bazar günü yanvarın 4-də, yerli vaxtla saat 13:30-da endirilib. Həlak olanlardan biri Yunanıstan, digəri Rumıniya vətəndaşıdır.
Yaralananlar isə filippinlilərdir. Təyyarədən atılan bomba gəmini zədələsə də neft dağılmayıb.(virtualaz.org)
