Litva 2030-cu ilədək müddətli hərbi xidmətə ümumi çağırışa keçmək niyyətindədir.
Elchi.az LRT-yə istinadən xəbər verir ki, bu barədə Litva prezidentinin milli təhlükəsizlik məsələləri üzrə müşaviri Maryus Çesnuleviçyus ümumi müdafiə forumundan sonra bildirib.
Onun sözlərinə görə, ölkə prezidentinin rəhbərlik etdiyi Ümumi Müdafiə üzrə Milli Koordinasiya Şurası Milli Müdafiə Nazirliyinə və Litva Silahlı Qüvvələrinə yaxın bir neçə ay ərzində ümumi çağırışa keçidin sürətləndirilməsi imkanını qiymətləndirməyi tapşırmaq təklifi ilə Dövlət Müdafiə Şurasına müraciət etmək niyyətindədir.
Hazırda böyük ölçüdə ümumi xarakter daşımalı olan çağırışa keçidin təxminən 2035-ci ilə qədər planlaşdırılması nəzərdə tutulur.
Çesnuleviçyus qeyd edib ki, 2030-cu ilə qədər ümumi çağırışın təşkili imkanı ilə bağlı qərar 2026-cı ilin sonunadək qəbul edilə bilər.
